Haïti : décès de Luc Fleurinord, ancien sénateur de la République
![Kèk konsèy pou mesye yo kenbe koulout yo pwòp epi evite maladi](https://tedactu.com/wp-content/uploads/2023/05/2ebeba07-9d4c-4ee4-8d5a-68bbc2e85385-850x560.jpg)
Menm jan Bouboun yon fanm fè pati espas entim li e se yon obligasyon pou l byen pran swen l, Koulout gason pa yon jwèt, li merite byen pran swen l pou yon konfò pèsonèl epi pou sante l tou.
Anpil fwa, diskou popilè ayisyen yo vle fè kwè, yon gason pa gen anyen pou l pèdi, se fanm nan ki dwe byen jere tèt li dekwa pou gason ka jwenn bouboun li nòmal.
Ajans enfòmasyon an liy Ted’Actu vle atire atansyon lektè li yo sou kèk konsèy enpòtan pou mesye yo byen pran swen yo
1) Yon koulout ki nòmal se anvan tou yon koulout ki byen lave, ki byen netwaye. Si w pa sikonsi ou gen obligasyon lè w ap lave l, pou w byen kale koulout la epi byen savonnen l (evite savonnen l twòp pandan yon jounen, sinon po ki sou tèt koulout la ka vin sèch). Yon koulout mal netwaye kapab bay move sant epi ka lakòz bakteri yo miltipliye ladan l.
2) Pantalon ak boksè oswa kalson ki twò sere pa rekòmande pou yon gason mete. Sa kapab aji sou « kalte spèm » gason an ap bay paske espèmatozoyid yo bezwen yon tanperati ki 33 oswa 34 degre pou yo pwodwi. Pantalon, eslip oswa kalson ki twò sere tou kapab lakoz po koulout la sibi chofi.
3) Pote menm eslip oswa boksè pandan 2 jou osnon 3 jou youn dèyè lòt se yon konpòtman « malpwòp ». Anpil espesyalis pale sou risk nan sante gason an.
Yon kote, bakteri yo kapab anpile nan eslip la oswa boksè a akoz swè, pipi, osnon lòt matyè ki ka kole nan souvètman an. Yon lòt bò chalè ki genyen sitou nan moman yo la kapab fè « chanpiyon » devlope bò kwis yo epi lakòz po a irite oubyen devlope lòt enfeksyon. Nan sans sa a, ou dwe chanje souvètman w chak lè w fin fè twalèt ou, oswa « chak jou ».
4) Lè w ap fè bagay, pran pozisyon ou metrize oswa ou santi w alèz ladan l. Anpil gason al nan ijans lopital akòz yon move konpòtman yo te genyen nan moman yo t ap fè bagay, sa ki konn lakòz yo blese koulout la. Nou pa di rete sèlman nan yon sèl pozisyon men se jis pou w evite pran gwo risk ki ka fatal pou ou.
5) Ou dwe evite « bat laponyèt » twò souvan paske sa kapab lakòz kèk bouton parèt oswa ou ka blese koulout la. Ou kapab genyen doulè akoz mouvman fwote koulout la ki repete twòp.
Li enpòtan pou w byen pran swen kò w, non sèlman l ap bon pou ou, men tou fanm renmen gason ki pwòp nan tout ti detay.