Anpil fwa, nou wè oubyen nou tande pale de 2 moun ki kole pandan y ap fè bagay, menm si li pi fasil pou w viv sa kay bèt yo, sitou chyen, aksidan sa konn rive fèt tou lakay moun. Lè sa fèt, nan langaj medikal, yo pale de « penis captivus » oubyen « pénis captif ». Yo idantifye l kòm yon sendwom (yon ansanm sentom ), toutfwa, kesyon yo se, kisa ki lakoz sa rive ? Kijan w ka libere w si zoka sa t a rive w ? Ted’Actu pote repons pou ou.
Sendwom « pénis captif » la se yon aksidan ki fèt nan moman 2 moun ap fè bagay epi gason an vin pa ka retire koulout li nan chouchoun fanm nan aprè li te fin penetre l. Li diferan de sa yo rele « Vaginisme » lan, ki limenm gen yon kontraksyon ki fèt nan moman menm penetrasyon an ap fèt la.
Menm si yo pa ka founi twòp detay sou fenomèn « pénis captif » la, yo fè konprann lè sa rive se paske fanm nan sere mikez chouchoun li san l pa fè eksprè. Pawa chouchoun nan miskle anpil anpil kidonk lè fanm nan klete yon bagay li klete l di.
Pou esplike rezon ki lakoz fanm nan klete koulout lan san se pa fòt li a, yo adrese l nan yon nivo sikolojik pandan yo avanse plizyè rezon, tankou : laperèz fanm lan ka genyen pou l pa trape yon enfeksyon pandan l ap fè bagay la, laperèz pou yo pa vin kenbe yo pandan y ap fè sa. Yon move eksperyans fanm nan te viv, ki twomatize l kapab lakoz sa rive tou pandan l ap fè bagay la.
Kisa w dwe fè si sa rive w ?
Si pyès moun pa espere retwouve yo nan yon sitiyasyon konsa, ou dwe toujou prepare w pou sizoka sa t a rive w, paske jan yo toujou di l la, malè pa gen klaksonn.
Si yon aksidan konsa rive w ak patnè w la, se pa ni vwazinaj ni anbilans ni zanmi pou w kouri rele an premye. Sa nou dwe fè anvan tout bagay ,se detann nou, bay ti blag pou kò nou lache konsa gason an ap rive debande.
Lòt bagay ankò, gason an kapab pran dwèt li li foure l nan twou dèyè fanm nan, sa k ap pèmèt li relakse l epi lache koulout la.
Epi, fi an kapab bwè yon konprime ki pou fè l dòmi, konsa tout misk li yo ap detann epi l ap kapab libere koulout la ki te kole anndan l lan.
