Bwè pandan n ap manje se yon abitid pou anpil moun, men pratik sa kapab gen konsekans negatif sou dijesyon ak sante an jeneral. An n wè ansanm kèk grav konsekans ki ka genyen.
Bwè likid nan moman n ap manje ka delye anzim dijestif yo ak asid nan lestomak ki nesesè pou pèmèt manje dijere nan vant ou. Anzim sa ki delye a ap ralanti pwosesis dijestif la. Sa ki kapab lakòz yon dijesyon enkonplè ak gwo chans pou moun nan fè gonfleman, ba l gaz ak endijesyon.
Konsome gwo kantite likid pandan repa ka kreye yon fo santiman vant plen. Sitiyasyon sila ap oblije w manje yon kantite manje ki pa anpil paske w ap panse vant ou plen. Lè sa, kò a p ap jwenn eleman nitritif nesesè yo, sa ki kapab afekte sante w pandan lontan.
Yon dijesyon ki pètibe akoz anzim dijestiv yo tranpe, kapab lakòz moun nan pa manje nitriman ki esansyèl pou kò a. Vitamin ak mineral yo ki konn gen nan manje yo kapab pa fè efè yo dwe fè sou kò a, sa ki kapab afebli sistèm iminitè moun nan epi bay anpil pwoblèm sante.
Bwè gwo kantite likid pandan w ap manje ka ogmante presyon sou esfenktè nan oesofaj ki pi ba a, sa ki ap lakòz asid monte sou lestomak moun nan. Sentòm sa yo ap parèt sou fòm yon santiman boule nan lestomak ki kapab vini souvan.
Konsome bwason ki gen sik oswa bwason ki gen anpil kalori pandan repa ka ajoute kalori siplemantè, sa ki kapab fè moun nan pran pwa. Anplis de sa, bwason ki gen sik ladan yo ka lakòz sik nan san, ogmante risk pou dyabèt tip 2.
Konsèy pou yon pi bon dijesyon
Pou amelyore dijesyon ak diminye risk ki asosye ak konsome likid pandan repa, li rekòmande:
1. Bwè dlo apeprè 30 minit anvan oswa apre manje.
2. moulen manje dousman ak byen pou yon pi bon dijesyon.
D.D
