Me Edler Guillaume, nouveau chef du Parquet de Port-au-Prince
Gen gwo danje nan kite yon chajè telefòn oubyen laptòp konekte nan yon priz san li pa branche ak okenn lòt aparèy. Anpil moun gen pratik kite chajè telefòn konekte nan kouran an vid. Se yon neglijans ki ka menm koute lavi. Men diferan sa ki ka rive lè w aji konsa :
1) Li ka mete dife
Lè yon chajè konekte pandan anpil tan nan kouran san li pa branche nan okenn aparèy, li riske chofe anpil. Chajè a kontinye konsome kouran epi ka pwovoke gwo dife nan yon kay. Se vrèman yon move abitid.
2) Ogmantasyon fakti kouran
Apre posiblite pou mete dife nan yon kay, yon chajè ki branche a vid kontinye boule kouran pou granmesi epi ogmante fakti kouran.
Si nan yon mwa, plizyè moun nan yon kay gen abitid kite chajè yo konekte san yo pap chaje okenn aparèy, ap yon gaspiyaj enèji k ap antrene gen gwo fakti kouran.
3) Konsekans sou planèt la
Move abitid kite chajè konekte pou granmesi a pa sèlman gen enpak sou yon moun, repèkisyon yo riske touche tout planèt la.
Se yon gaspiyaj enèji 24 sou 24, 7 sou 7 nan ka chajè yo pa janm dekonekte alòske enèji yo pa menm konsome an reyalite.
4) Chajè yo riske gate pi rapid
Yon chajè ki branche pou granmesi tout lasent jounen riske gate pi rapid paske li itilize twòp. Menm lè li konekte a vid, chajè a kontinye konsome kouran ak enèji kidonk li pa janm repoze sa vin lakoz li ka gate pi rapid.
Chajè a ki konekte an pèmanans nan kouran, ki ap chofe san rete, ap kòmanse bay ratman pi rapid pase yon itilizasyon nòmal jiskaske li fin gate nèt.
5) Lòt danje
Gen plizyè lòt danje ki ka rive pa rapò ak neglijans kite yon chajè konekte san rezon. Li ka pwovoke chòk elektrik pa rapò ak chajè a kap gate rapid epitou risk ki genyen pou antre ak sòti chajè a kontre ansanm akoz okenn aparèy ki pa konekte ladan. Lè chajè a kòmanse gate li ka gen pati ki dekale epi koz itilzatè a pran nan kouran.
Li vrèman rekòmande pou nou debranche chajè aparèy nou, pou evite mete lavi nou ak lavi pwòch nou an danje epi pou chajè a dire pi lontan.
