Plizyè aparèy reprezante yon danje lè yo konekte nan yon miltipriz kote yo ka menm lakoz kay la pran dife. Si envansyon k ap fèt yo ka senplifye lavi nou men yon move itilizasyon kapab gen move konsekans. Se ka plizyè aparèy kote lè yo konekte nan miltipriz, yo ka fè gwo dega.
1) Branche yon miltipriz sou yon lòt miltipriz
Ou konn abitye fè sa deja nan lide pou w kapab jwenn plis plas ? Si wi, se pa yon bon pratik. Si w ap gen plis plas vre pou w ogmante aparèy ou, kantite puisans elektrik kap travèse nan miltipriz lan ap ogmante plis ke sa l kapab sipòte. Kidonk, gen risk pou dife pran
2) Frijidè (refrijeratè) ak konjelatè
Aparèy sa yo bezwen anpil enèji pou yo fonksyone. Gen nan yo ki konn menm boule soti 200 pou rive 500 KWh nan yon ane. Kidonk li obligatwa pou li gen yon priz nan mi kay la pou plis sekirite sitou se pa yon aparèy ki oblije ap dekonekte tout tan. Men si malgre sa ou mete l nan yon miltipriz lap toujou ka jwenn tout puisans li bezwen an, men ou pap ka konekte okenn lòt aparèy ankò sou miltipriz lan
3) Aparèy elektwonik ki sansib yo
Òdinatè, konsòl pou jwe, lektè DVD, televizyon kapab edew fè ekonomi enèji. Men olye ou branche yo sou Miltipriz, li preferab pou w branche yo nan yon priz elektrik ki pwoteje ak yon aparèy ki la pou anpeche yon ogmantasyon tansyon elektrik
4) Micro ond
Micro ond pa ta dwe konekte nan miltipriz menm jan ak kafetyè ki sèvi ak kouran yo paske yo pran anpil enèji. Sa se yon verite pou tout aparèy ki itilize pou griye ou byen chofe manje
5) Aparèy pou griye pen
Menm si se aparèy sa ou souvan itilize pou fè manje maten ak goute itilize anpil, jan li presize anlè a, li boule anpil enèji. Kidonk li danjere pou w konekte l nan yon miltipriz ki gen lòt aparèy ki branche sou li
6) Gwo aparèy elektwomenaje
Machin pou lave, fou, aparèy ki seche rad se materyèl ki itilize anpil kouran. Pa ekzanp, yon machin pou lave boule an mwayèn 191 KWh nan yon ane e menm plis selon modèl la. Kidonk li preferab pou yo genyen priz poukont yo nan mi pou anpeche miltipriz la chofe plis pase itilizasyon nòmal li epi pran dife.
7) Aparèy pou pase ak seche cheve
Anpil materyèl pou pran swen cheve fonksyone ak kouran tankou sechwa, fè pou frize ou byen pase cheve. Yo dwe branche nan mi tou yon kote ki pa gen dlo pou evite aksidan.
